Yigirma birinchi Jahon Chempionati boshlanishiga ham bir oydan kam vaqt qoldi. Rossiya yashil maydonlarida jahon futbolining ko‘zga ko‘ringan yulduzlari o‘z terma jamoalari bilan sovringa ega chiqishga urinib ko‘radi.
Albatta, 32 terma jamoa qatnashadigan musobaqada g‘olibni oldindan bashorat qilish qiyin, ammo ba’zi terma jamoalar boshqalardan ko‘ra yaxshiroq “qurollangan”.
Xo‘sh, 2018-yilgi Jahon Chempioni qaysi terma bo‘lishi mumkin? Goalnashri eng oliy sovringa asosiy nomzodlarning imkoniyatlarini sarhisob qildi.
2018-yilgi Mundialning asosiy favoritlari
Dabblebet ga ko‘ra, amaldagi Jahon chempionlari va Konfederasiyalar Kubogini ikkinchi tarkib bilan yutgan Germaniya termasi so‘zsiz eng asosiy favoritlardan biri bo‘lmoqda. Yoaxim Lyov shogirdlari 15-iyul kuni Moskvada chempionlikni himoya qilishga kirishadi. Ular Meksika, Shvesiya va Janubiy Koreyalarga qarshi guruhda bahs olib boradi. So‘nggi yillarda ko‘rsatayotgan o‘yinlarini e’tiborga oladigan bo‘lsak, Lyov shogirdlari musobaqada uzoq vaqt qolishi ehtimoli yuqori.
Shunga qaramay, nemislar bu yo‘lda asosiy yetakchisi jarohat olganiga qaramay favoritlar qatorida turgan Braziliyaga qarshi kurashishi mumkin. Tite shogirdlari CONMEBOL ning saralash bahslarida ajoyib natija qayd etishdi. Ular ikkinchi o‘rindagi Urugvaydan naq 10 ochko ilgarilab ketgan holda, Jahon Chempionati yo‘llanmasini qo‘lga kiritdi.
