"Liverpul" klubi va Misr terma jamoasi hujumchisi Muhammad Saloh yelkasidan olgan jarohatidan forig‘ bo‘lish uchun mashg‘ulotni davom ettirmoqda.
Saloh "Real"ga qarshi bo‘lib o‘tgan Chempionlar ligasi finalida Ramos bilan to‘qnashuv paytida yelkasidan jarohat olgandi. Dastlabki taxminlarga ko‘ra u JCH-2018ni o‘tkazib yuborishi kutilgandi. Ammo Muhammad Rossiyadagi musobaqada ishtirok etish uchun qo‘lidan kelgan barcha ishni qilmoqda.
Saloh jarohatlangan chap yelkasi mashq bajarayotgan vaziyat suratini Tvitterdagi sahifasiga joyladi hamda: "Yaxshi hissiyotlar...", — deya izoh yozdi.
