Idel.Realii xabariga ko‘ra, Qozon shahrilik tikuvchi Irina Zingarova tovar ramzlaridan noqonuniy foydalanish ishi, aniqrog‘i, FIFAning uchta tovar belgisidan foydalanish ishi bo‘yicha jinoiy javobgarlikka tortilishi mumkin.
Manbaga ko‘ra, polisiya avval Zingarovaga JCH-2018 ramzi bo‘lgan Zabivaka ismli bo‘ri qo‘g‘irchog‘idan uch nusxa buyurtma bergan, so‘ng jinoiy ish ochgan.
Polisiya yetkazilgan zararni 378 ming rublga baholadi. Qo‘g‘irchoqlar Moskvaga - ularni Zabivakaga o‘xshashligini tekshirish uchun ekspertizaga yuborildi. Tikuvchiga ikki yilgacha bo‘lgan qamoq jazosi xavf solmoqda.
