Idel.Реалии хабарига кўра, Қозон шаҳрилик тикувчи Ирина Зингарова товар рамзларидан ноқонуний фойдаланиш иши, аниқроғи, ФИФАнинг учта товар белгисидан фойдаланиш иши бўйича жиноий жавобгарликка тортилиши мумкин.

Манбага кўра, полиция аввал Зингаровага ЖЧ-2018 рамзи бўлган Забивака исмли бўри қўғирчоғидан уч нусха буюртма берган, сўнг жиноий иш очган.

Полиция етказилган зарарни 378 минг рублга баҳолади. Қўғирчоқлар Москвага - уларни Забивакага ўхшашлигини текшириш учун экспертизага юборилди. Тикувчига икки йилгача бўлган қамоқ жазоси хавф солмоқда.