O‘zbekiston gimnastika federasiyasi tashabbusi bilan, Osiyo gimnastika uyushmasi ko‘magida Toshkent shahrida sport akrobatikasi bo‘yicha ilk marotaba xalqaro seminar tashkil qilindi. Unda mazkur sport turi bo‘yicha faoliyat olib borayotgan murabbiylar ishtirok etishdi.
Seminar dasturidan ma’ruza va amaliy mashg‘ulotlar o‘rin olgan. Uni sport gimnastikasi bo‘yicha ispaniyalik xalqaro ekspert J.Mendes Lamas olib bormoqda. Darslar davomida sportchilarning mashg‘ulotiga, ijro texnikasi masalalariga urg‘u berildi. Shuningdek, mashqlarni to‘g‘ri ijro etish, jarohatdan saqlanish holatlariga ham e’tibor qaratildi.
Ushbu seminarda O‘zbekiston, Eron, Qozog‘iston, Hindiston, Shri-Lanka va Afg‘onistondan 15 nafar murabbiy ishtirok etdi.