O‘zbekiston futbol assosiasiyasi tomonidan murabbiylarning kasbiy mahoratini oshirish bo‘yicha navbatdagi seminar Jizzax viloyatida boshlandi.
Bugun Jizzax Politexnika instituti majlislar zalida seminarning ochilishi bo‘lib o‘tdi. Seminarni Jizzax viloyat futbol assosiasiyasi birinchi vise prezidenti Anvar Musulmanov ochib berdi. U o‘z so‘zida mamlakatimiz prezidenti futbolga berayotgan e’tibori va bolalar futbolini rivojlantirish, viloyatdagi futbol maktablari va akademiya faoliyati,kelgusi rejalar haqida aytib o‘tdi.SHuningdek, seminarda Jizzax viloyatidagi BO‘SM,IBO‘SM va sport muassalarida faoliyat olib borayotgan murabbiylar,Jizzax viloyat futbol assosiasiyasi vakillari ishtirok etdi. Seminarni O‘FA akademiyalarni rivojlantirish boshqarmasi boshlig‘i O‘ngar Jalimov olib bormoqda.
Seminarda O‘FA va OFK instruktori Zoir Hasanov ham ishtirok etmoqda. 9-11 kunlari bo‘lib o‘tadigan ushbu seminarda murabbiylarning nazariy va amaliy bilimlari sinovdan o‘tkaziladi. Nazariy mashg‘ulotlarda murabbiylarning o‘z sohalari bo‘yicha bilimlari tekshirilsa,amaliy mashg‘ulotlarda murabbiylarning mashg‘ulotlarga tayyorgarlik ko‘rishi,mashg‘ulotlarda bolalarga qanday ko‘rsatmalar berish va futbolchilarning xatolarini qay tarzda tayyorlash kerakligi haqida ko‘rsatmalar beriladi va murabbiylarning harakatlari nazorat qilinadi. Seminar yakunda esa murabbiylar imtixon topshirishadi.
