Jahon Chempionati arafasida bir qancha nashrlar ushbu nufuzli turnir haqida turli bahs-munozaralar, reytinglar va ramziy terma jamoalarni tuzib chiqmoqda. Squawka Footballnashri esa Jahon Chempionatida ishtirok etuvchi bo‘ydor futbolchilardan iborat ramziy terma jamoani tuzib chiqdi. Quyida ushbu noodatiy ramziy terma jamoa bilan tanishishingiz mumkin.
Buning uchun Squawka Football FIFAning ma’lumotlar bazasida mavjud bo‘lgan Rossiyadagi Mundialda qatnashadigan 736 futbolchi asosida tuzib chiqdi.
Ushbu yigitlar maydondagi raqiblaridan nafaqat boshi bilan, balki yelkalari bilan ham uzun hisoblanadi. Ularning o‘yinini kuzatish ancha maroqli bo‘lsa kerak.
Darvozabon: Lovr Kalinich
bo‘yi: 201 sm., terma jamoasi: Xorvatiya, yoshi: 28
Klubi: “Gent”, reytingdagi o‘rni: 1/736
Mundialdagi rasman eng bo‘ydor futbolchi Kalinich “Monako” posboni Daniyel Subashichga o‘rinbosarlik qilishi kutilmoqda. U bu mavsumda “Gent”ga 4-o‘rinni egallashiga o‘zining munosib hissasini qo‘shdi.
Kalinichning “Hayduk”dan “Gent”ga o‘tishi Xorvatiya futbolidagi eng qimmat transferlardan biriga aylangandi.
HimoyachilarNikola Milenkovich
bo‘yi: 195 sm., terma jamoasi: Serbiya, yoshi: 20
Klubi: “Fiorentina”, reytingdagi o‘rni: 19/736
Toskanaga ko‘chib o‘tishdan oldin Belgradning “Partizan” klubi o‘ng qanotidagi “tog‘” markaziy himoyada ham o‘ynay olardi va jamoasiga Serbiya Super Ligasi va Kubogini yutishda ishtirok etgan edi.
“Fiorentina” “Partizan”ga uning xizmatlari uchun 5 million yevro to‘ladi va A Seriyaga olib keldi. U termaga endigina jalb qilinganlardan, shu bois uni kuzatishni qo‘ldan chiqarmang.
Federiko Fasio
Bo‘yi: 199 sm, terma jamoasi: Argentina, yoshi: 31
Klubi: “Roma”, reytingdagi o‘rni: 4/736
Fasio Premyer Ligada “Tottenxem” safida o‘zini umuman ko‘rsata olmadi, biroq “Roma”da u o‘zini qayta topib oldi va bu mavsumda Chempionlar Ligasida jamoasiga yarim finalgacha borishiga yordam berdi.
Ispaniyadagi yetti mavsumlik faoliyati davomida u o‘zini ko‘rsata oldi va yozda Argentinaning eng muhim futbolchilaridan biri bo‘lishi kutilmoqda.
Yannik Vestergaard
Bo‘yi, 200 sm, terma jamoasi: Daniya, yoshi: 25
Klubi: “Borussiya Myunxengladbax”, reytingdagi o‘rni: 2/736
Vestergaard Jahon Chempionati zaxira o‘yinchilari orasida eng novcha futbolchi hisoblanadi. Garchi Germaniya Bundesligasida 33 o‘yinda 3 gol urib jamoasiga katta yordam berganiga qaramay, uning xalqaro darajadagi faoliyati asosiy tarkib uchun kurashish bilan kechmoqda.
Xordur Magnusson
Bo‘yi: 191 sm, terma jamoasi: Islandiya, yoshi: 25
Klubi: “Bristol Siti”, reytingdagi o‘rni: 71/736
Magnusson bir vaqtlar Italiya giganti “Yuventus” tomonidan ne-ne umidlar bilan sotib olingandi. Ammo “Spesiya” va “Chezena” klublarida ijarada yurib o‘zini ko‘rsata olmagan futbolchi nihoyat “Bristol Siti”da o‘zini topa oldi.
Islandiyalik futbolchi Eshton Geyt qo‘li ostida o‘zini ko‘rsata oldi va Yevro-2016 dagi muvaffaqiyatga o‘z hissasini qo‘shdi.
Yarim himoyachilar
Stiven Nzonzi
Bo‘yi: 197 sm, terma jamoasi: Fransiya, yoshi: 29
Klubi: “Sevilya”, reytingdagi o‘rni: 10/736
Fransiyalik futbolchi o‘zining gavdasidan qanday foydalanishni juda yaxshi biladi, u himoyani mustahkamlashda katta jonbozlik ko‘rsatadi. U 2012-yilda Premyer ligaga ko‘tarilgan bo‘lsada, 29 yoshli futbolchining faoliyati hali oldinda.
Nemanya Matich
Bo‘yi: 194 sm, terma jamoasi: Serbiya, yoshi: 29
Klubi: “Manchester Yunayted”, reytingdagi o‘rni: 34/736
“Chelsi” muxlislari klub uni azaliy raqiblariga qo‘yib yuborganini eshitib shokka tushgandi. Aynan uning bu mavsumda “Stemford Bridj”da yo‘qligi juda bilindi. Serbiyalik yulduz yarim himoyadagi gigantlardan biri. Uning “Kristal Pelas”sha urgan goli hanuz futbol ishqibozlarining yodidan ko‘tarilmagan bo‘lsa kerak. Undan ko‘pchilik Serbiyaning muvaffaqiyatga erishishini kutmoqda.
Maruan Fellayni
Bo‘yi: 194 sm, terma jamoasi: Belgiya, yoshi: 30
Klubi: “Manchester Yunayted”, reytingdagi o‘rni: 35/736
Fellayni “MYU”ning har bir muxlisi ko‘nglidan joy olomagan bo‘lishi mumkin, ammo u klubga o‘z foydasini bera olgan. Mourinyo undan bu mavsumda “sehrli tayoqcha” sifatida foydalandi va belshiyalik futbolchi ko‘p vaqtini zaxiradan tushib to‘rt gol urishga erishdi.
Ajoyib soch turmagi bilan ko‘pchilikka tanish novcha futbolchi terma jamoasining yutuqlariga munosib hissasini qo‘shishi mumkin. Amaldagi shartnomasi o‘z nihoyasiga yetayotgan futbolchi uchun o‘zini ko‘rsatishga ajoyib imkoniyat tug‘ildi.
Sergey Milinkovich-Savich
Bo‘yi: 192 sm, terma jamoasi: Serbiya, yoshi: 23
Klubi: “Lasio”, reytingdagi o‘rni: 51/736
Ushbu mavsumda Yevropa futbolida porlagan “yangi yulduzcha”lardan biri “Lasio”da ajoyib mavsumni o‘tkazgan Milinkovich-Savich bo‘ldi. Serbiyalik yarim himoyachi 12 gol urib grand jamoalarning e’tiborini tortdi.
U Serbiyaning yuqori natijalarga erishishida katta yordam berib yangi mavsumni top klublardan birida o‘tkazishi ham mumkin.
Shin-Vuk Kim
Bo‘yi: 197 sm, terma jamoasi: Jan. Koreya, yoshi: 30
Klubi: “Chonbuk Xyonde”, reytingdagi o‘rni: 11/736
Noodatiy tarzda osiyolik futbolchi ham ushbu ro‘yxatdan joy olgan. Kim futbolchilik faoliyatini markaziy himoyachi sifatida boshlagan. Ammo “Uslan Xyonde” bilan imzolagan ilk professional shartnomasida bir chiziq oldinga ...
