30 iyun – “Yoshlar kuni”ni keng nishonlash maqsadida O‘zbekiston Yoshlar ittifoqi Qashqadaryo viloyat Kengashi tashabbusi sportning suzish turi bo‘yicha “Yoshlar kubogi” sport musobaqasi tashkil etildi.
 
Unda viloyatdagi barcha harbiy qism va muassasalardagi boshlang‘ich tashkilot yetakchilari, kordinatorlari va a’zolaridan iborat 200 nafar harbiy xizmatchi ishtirok etdi.
 
Yakuniy natijalarga ko‘ra, jamoa o‘rtasida 1-o‘rinni Davlat xavfsizlik xizmati chegara qo‘shinlari, 2-o‘rinni Milliy gvardiya, 3-o‘rinni Mudofaaga ko‘maklashuvchi “Vatanparvar” tashkiloti qo‘lga kiritdi.
 
Yakkalik bahslarida 1-o‘rinni Havo xujumidan mudofa qo‘shinlari katta leytenant B.Karimov, 2-o‘rin Milliy gvardiya oddiy askari I.Madgaziyev hamda 3-o‘rinni Janubiy-G‘arbiy maxsus harbiy okrug oddiy askari A.Nosirjonovlar egalladi.
 
Sovrindorlar Yoshlar ittifoqi viloyat Kengashi tomonidan diplom, faxriy yorliq va qimmatbaho sovg‘alar bilan taqdirlandi.