27 iyun kuni Jizzax viloyatining Zomin tumanida yengil atletikaning uzoq masofaga yugurish yo‘nalishi bo‘yicha ochiq birinchilik musobaqasi o‘tkazilishi rejalashtirilmoqda.
O‘zbekiston yengil atletika federasiyasi, Yengil atletika bo‘yicha Respublika oliy sport mahorati maktabi, Jizzax viloyati jismoniy tarbiya va sport boshqarmasi, viloyat yengil atletika federasiyasi, Zomin tuman hokimligi tomonidan tashkil etilayotgan musobaqa ommaviyligi bo‘yicha keng qamrovli bo‘lishi kutilmoqda. Ayni paytda musobaqani yuqori saviyada o‘tkazish uchun tayyorgarlik ishlari olib borilmoqda. Tashkilotchilar marafon o‘tkaziladigan joylar, sportchi va hakamlarning joylashishi, kiyinish-echinish xonalari va barcha kerakli shart-sharoitlarni tayyorlamoqdalar.
