“Neftchi” – “Paxtakor” (1:1) bahsidan so‘ng farg‘onaliklar yarim himoyachisi Anvar Berdiyev o‘z fikrlarini bildirib o‘tdi.

Anvar Berdiyev: “Neftchi” - “Paxtakor” bellashuviga o‘yinchilarni futbolchi sifatida alohida tayyorlashni keragi yo‘q. Shundoq ham bu azaliy qarama-qarshilikka sportchi katta shijoat bilan chiqadi.

Avvallari ham “Paxtakor” – “Neftchi” o‘yini “O‘zbek El-klassiko”si sifatida keskin ruhda kechardi. Bugun ham shunday bo‘ldi. Bahs uchun yigitlarga rahmat. Borini berib o‘ynashdi. Hozir “Paxtakor”ni qanday kuchga ega ekanligini hammamiz yaxshi bilamiz.

Shundan kelib  chiqib, debyutant o‘yinchilar bilan jamoamiz yaxshi o‘yin namoyish etdi. Ochig‘i, yutishni juda istagandik. Biroq biroz omad yetishmadi. Stadionga kelgan muxlislarga katta rahmat. Garchi natijalar yoqimsiz bo‘layotgan bo‘lsada, o‘z sodiqliklarini ko‘rsatib stadionga tashrif buyurishmoqda. Hali hammasi yaxshi bo‘ladi. “Neftchi” jamoasini bu vaziyatdan olib chiqib ketishimizga ko‘zimiz yetadi.

“Neftchi” matbuot xizmati