Jahon chempionatining "A" guruhidan nimchorak finalga chiqqan jamoalar nomi aniq bo‘ldi. Urugvay terma jamoasi 2-turda Saudiya Arabistoniga qarshi bahs olib borib, kichik hisobda g‘alaba qozondi.

Birinchi bo‘lim o‘rtalarida janubiy amerikaliklarning hujumi samarali yakunlandi: Luis Suares bo‘sh darvozani ishg‘ol qildi. Shundan keyin Oskar Tabares shogirdlari kuchni tejab o‘ynashdi va hisobni ushlab qolishdi.

Saudiya Arabistoni esa ikkinchi o‘yinda ham raqib darvozasini ishg‘ol eta olmadi. Saudiya va Misr terma jamoalari musobaqani tark etishi aniq bo‘lgan bo‘lsa, Rossiya va Urugvay termalari pley-off yo‘llanmasini muddatidan oldin hal qilishdi.

JCH-2018, "A" guruhi, 2-tur.
Urugvay - Saudiya Arabistoni 1:0
«Rostov-Arena» stadioni
Bosh hakam: Klement Turpin (Fransiya)
Gol: Luis Suares (23)
Urugvay – Muslera, Ximenes, Kaseres, Varela, Godin, Sanches (Nandes, 82), Vesino (Torreyra, 59), Bentankur, Rodriges (Laksalt, 59), Kavani, Suares.
Saudiya Arabistoni – Al-Uvays, Havsaviy, Ash-SHahroniy, Al-Breyk, Al-Bulayxiy, Al-Jassim (Al-Mogaviy, 44), Otayf, Al-Faraj, Ad-Dosariy, Baxebri (Kanno, 75), Al-Muvallad (As-Sahlaviy, 78).