Жаҳон чемпионатининг "А" гуруҳидан нимчорак финалга чиққан жамоалар номи аниқ бўлди. Уругвай терма жамоаси 2-турда Саудия Арабистонига қарши баҳс олиб бориб, кичик ҳисобда ғалаба қозонди.

Биринчи бўлим ўрталарида жанубий америкаликларнинг ҳужуми самарали якунланди: Луис Суарес бўш дарвозани ишғол қилди. Шундан кейин Оскар Табарес шогирдлари кучни тежаб ўйнашди ва ҳисобни ушлаб қолишди.

Саудия Арабистони эса иккинчи ўйинда ҳам рақиб дарвозасини ишғол эта олмади. Саудия ва Миср терма жамоалари мусобақани тарк этиши аниқ бўлган бўлса, Россия ва Уругвай термалари плей-офф йўлланмасини муддатидан олдин ҳал қилишди.

ЖЧ-2018, "A" гуруҳи, 2-тур.
Уругвай - Саудия Арабистони 1:0
«Ростов-Арена» стадиони
Бош ҳакам: Клемент Турпин (Франция)
Гол: Луис Суарес (23)
Уругвай – Муслера, Хименес, Касерес, Варела, Годин, Санчес (Нандес, 82), Весино (Торрейра, 59), Бентанкур, Родригес (Лаксальт, 59), Кавани, Суарес.
Саудия Арабистони – Ал-Увайс, Ҳавсавий, Аш-Шаҳроний, Ал-Брейк, Ал-Булайхий, Ал-Жассим (Ал-Могавий, 44), Отайф, Ал-Фараж, Ад-Досарий, Бахебри (Канно, 75), Ал-Муваллад (Ас-Саҳлавий, 78).