Andijon shahrida huquqni muhofaza qiluvchi organlar xodimlari va harbiy xizmatchilar o‘rtasida futbol bo‘yicha O‘zbekiston futbol assosiasiyasi Kubogi mazkur musobaqasining final bosqichi bo‘lib o‘tdi.
19-21 iyun kunlari “Sog‘lom avlod” o‘yingohida Respublika Bosh prokuraturasi xodimlari hamda Ichki ishlar vazirligi xodimlaridan tashkil topgan jamoalar o‘rtasidagi hal qiluvchi ikkita o‘yin o‘tkazildi.
Bahs oldidan viloyat san’at ustalari yig‘ilganlarga o‘zlarining konsert dasturini namoyish qildilar. Futbol musobaqasi ishqibozlar uchun tom ma’noda bayram kayfiyati ulashdi. Yakunda ikki o‘yin natijasiga ko‘ra Respublika Bosh prokuraturasi jamoasi O‘zbekiston futbol assosiasiyasi Kubogini qo‘lga kiritdi.
G‘oliblarga Kubok va medallar topshirilib, bahslarda o‘zini har tomonlama namoyon qilgan sportchilarga esdalik sovg‘alari berildi.
