Xabaringiz bor, so‘nggi paytlarda sport targ‘iboti aholining turli qatlamlari o‘rtasida olib borilmoqda. Bu borada O‘zbekiston Milliy olimpiya qo‘mitasi sport federasiyalari bilan hamkorlikda sport tadbirlarini tashkil qilmoqda. Ana shunday tadbirlar kuni kecha O‘zbekiston taekvondo WTF assosiasiyasi bilan birga Namangan viloyati Chust tumanidagi 51-sonli maktabgacha ta’lim muassasasida, Marg‘ilon shahridagi «Akva» bog‘ida, shuningdek, Zarafshon shahridagi «Zalotinka» oromgohida tashkil qilib berildi.
Ushbu mahorat saboqlarida taekvondochilar tomoshabinlar uchun o‘z mahoratlarini namoyish etib berishdi. Sport bayramiga aylanib ketgan ushbu master-klass tomoshabinlarda bir olam taassurot qoldirdi.
