Angliya terma jamoasi bosh murabbiyi Garet Sautgeyt JCH-2018 guruh bosqichining so‘nggi turida Belgiyadan uchralgan mag‘lubiyat (0:1) haqida gapirdi.
"Agar Keynni 10 daqiqaga maydonga tushirsag-u, u jarohat olganda nim bo‘lardi? Bundan yomoni bo‘lmasdi. Bugungi ko‘pchilik muxlislar buni to‘g‘r tushundilar deb umid qilaman. Bu o‘yin yaxshi tajriba bo‘ldi, vaziyatlar teng bo‘ldi ammo Belgiya maydon markazida to‘pni yaxshi nazorat qildi.
Bugun jamoaviy chiroyli o‘yin ko‘rsatyapmiz, hatto bugun ham. Biz yosh va kuchli jamoamiz. Belgiya bekorga dunyoning 3-terma jamoasi bo‘lib turgani yo‘q, ularda tajribali o‘yinchilar bor. Biz realistmiz, o‘z saviyamiz va o‘rnimiz qayerda ekanini yaxshi tushunamiz.
Penaltini mashq qilyapmiz, bizda mart oyidan buyon qo‘llayotgan strategiya bor. Pley-offga uch kun qolganda bunga kirishish kech bo‘lar di. Ruhan tayyormiz", - deydi Sautgeyt.
