Bugun, 2 iyul kuni futbol bo‘yicha Rossiya yashil maydonlarida bo‘lib o‘tayotgan Jahon Chempionati nimchorak final o‘yinlari davom ettiriladi.
Kun taqvimidan odatga ko‘ra ikki uchrashuv o‘rin olgan.
Kunning ilk o‘yini «E» guruhida birinchi o‘rinni qo‘lga kiritgan Neymar yetakchiligidagi Braziliya hamda «F» guruhida Germaniyani qolib ketishida katta xizmat ko‘rsatgan Meksika terma jamoalari o‘rtasida kechadi. Bellashuv Toshkent vaqti bilan 19:00 da boshlanadi. O‘yinni italiyalik Janluka Rokki boshchiligidagi hakamlar boshqarib boradi.
Ikkinchi o‘yin esa «G» guruhida Angliyani ham mag‘lub etib, 100 foizlik natija bilan nimchorak finalga chiqqan Belgiya hamda «H» guruhidan ikkinchi o‘rin bilan pley-offga chiqqan Yaponiya terma jamoasi o‘rtasida bo‘lib o‘tadi. Uchrashuv 23:00 da boshlanishi belgilangan. Bellashuvni senegallik Malang Diediou boshchiligidagi hakamlar brigadasi boshqaradi.
Jahon Chempionati
1/4 final bellashuvlari
2 iyul, dushanba
Braziliya—Meksika 19:00
Belgiya—Yaponiya 23:00
