O‘zbekiston futbol assosiasiyasi tomonidan xayrli ishga qo‘l urildi.
O‘z vaqtida Oliy liga uchrashuvlarida hakamlik qilgan Murod Muhamedov va Vladlen Lushin og‘ir kasallik sabab bu dunyoni erta tark etishgandi.
O‘FA Hakamlar va nazoratchilar boshqarmasi mutasaddilari Murod Muhamedov va Vladlen Lushinning xonadonlariga borishdi. Muhammedovning 3 nafar farzandi, Lushinning esa bir farzandi otasiz qolgan. O‘FA mutasaddilari ularning oila a’zolari holidan xabar olib, farzandlarining ko‘ngillarini ko‘tarishdi.
O‘FA tomonidan bu kabi xayrli ishlarni muntazam ravishda amalga oshirish rejalashtirilgan.
