Bugun Toshkent shahrida Jismoniy tarbiya va sport sohasida amalga oshirilayotgan ishlar yuzasidan yig‘ilish bo‘lib o‘tdi. Unda turli masalalar, jumladan yoshlarni sportga jalb qilish, ularni qiziqtirish, ommaviylikni oshirish masalalari tanqidiy muhokama qilindi.
Shuningdek, Toshkent shahar Jismoniy tarbiya va sport boshqarmasining tuman bo‘limlari tashkil qilindi va ularga rahbarlar tayinlandi. Ommaviy sportni rivojlantirish va iste’dodli yoshlarni saralab olish ta’lim muassasalarining ustuvor yo‘nalishlari etib belgilandi.
Toshkent shahrida ommaviy sportni rivojlantirish, yoshlarni o‘zlari istagan sport turlariga jalb qilish, shu bilan birga mahallalardagi iqtidorli yoshlarni aniqlash maqsadida 505 ta mahallalarga mas’ullar biriktirildi. Ushbu harakatlar kelajakda yangi nomlarni kashf etishga, iqtidorlarni saralashda muhim ahamiyat kasb etadi.
