Superliganing 16-turidan o‘rin olgan “Bunyodkor” - “Qizilqum” (2:0) o‘yinidan keyin o‘tkazilgan matbuot anjumanining ikkinchi qismida mezbonlar bosh murabbiyi Mirjalol QOSIMOV ishtirok etdi va jurnalistlarni qiziqtirgan savollarga javob berdi.

— Oldindan o‘yin qiyin bo‘lishini bilardik. Futbol shunday o‘yinki, unda yuzaga keltirilgan vaziyatlardan unumli foydalana olmasa, yanada og‘irlashadi. Lekin bugungi o‘yinda vaziyatlardan foydalanib, muhim uch ochkoni qo‘lga kiritganimizdan xursandman. Ammo, bir oylik tanaffus ta’sirida biroz bo‘lsada, o‘yin ritmidan chiqib ketganimiz ham bor gap. Endi shu o‘yinlar orqali yana yuqori sport formasiga chiqib olishga harakat qilamiz, — deydi Mirjalol Qo‘shoqovich.