“Yuventus” “Real” hujumchisi Krishtianu Ronalduni sotib olganini tasdiqladi.
33 yoshli futbolchisi 2009 yil “Manchester Yunayted”dan “Real” safiga qo‘shilgandi. O‘shanda “qaymoqranglilar” portugaliyalik futbolchi uchun 93 mln yevro tovon puli to‘lagandi.
Ronaldu “Real” safida 13 sovrinni qo‘lga kiritdi.
“Barchasi uchun rahmat, Krishtianu! Klub sening qaroringni hurmat qiladi. “Real” doim sening uying bo‘lib qoladi” – "Real" shunday bayonot bilan Ronaldu bilan xayrlashdi.
Ma’lumot uchun, portugaliyalik futbolchi “qaymoqranglilar” safida 4 chempionlar ligasini, ikki bor Ispaniya chempionatini, ikki bor Ispaniya kubogini, ikki bor UYEFA, uch marta klublar o‘rtasida jahon chempionitida g‘olib chiqdi.
Ronaldu “qirollik klubi”da 438 o‘yin o‘tkazib 450 gol urishga muvaffaq bo‘ldi.
