Ma’lumki, 2018 yilgi Osiyo o‘yinlari Indoneziyaning Jakarta va Palembang shaharlarida bo‘lib o‘tadi. 18 avgustdan 2 sentyabrga qadar Osiyoning 45 mamlakati sportchilarini Indoneziyada jam bo‘lishadi. 10 500 nafar sportchi 40 ta sport turi bo‘yicha kuch sinashishadi. Tashkilotchilar dasturni tayyorlab bo‘lishgan. Rejalashtirilgan 465ta tadbirning dastlabkisiga bugun start beriladi.
11 iyul kuni Osiyo o‘yinlari «o‘z uyiga» – Nyu-Dehliga qaytadi. Aynan shu yerda 1951 yili Osiyo Olimpiya Kengashining asosiy sport musobaqasi tashkil etilgandi. Shu yakshanbada Osiyo o‘yinlari mash’alasi Nyu-Dehlidagi «mayor Dxyan Chanda» nomli Milliy stadionda alanga oladi.
Mash’alani yoqish marosimidan so‘ng u 18 000 kilometrlik an’anaviy estafeta boshlanadigan Indoneziyaga yo‘l oladi. Mash’ala asosiy manzili – Jakartadagi «Gelora Bung Karno» stadioniga yetib borish uchun 50 ta shahar va 18 ta provinsiyadan o‘tadi. Bu yerda 18 avgust kuni tantanali ravishda Osiyo o‘yinlarining ochilish marosimi bo‘lib o‘tadi.
