Маълумки, 2018 йилги Осиё ўйинлари Индонезиянинг Жакарта ва Палембанг шаҳарларида бўлиб ўтади. 18 августдан 2 сентябрга қадар Осиёнинг 45 мамлакати спортчиларини Индонезияда жам бўлишади. 10 500 нафар спортчи 40 та спорт тури бўйича куч синашишади. Ташкилотчилар дастурни тайёрлаб бўлишган. Режалаштирилган 465та тадбирнинг дастлабкисига бугун старт берилади.
11 июль куни Осиё ўйинлари «ўз уйига» – Нью-Деҳлига қайтади. Айнан шу ерда 1951 йили Осиё Олимпия Кенгашининг асосий спорт мусобақаси ташкил этилганди. Шу якшанбада Осиё ўйинлари машъаласи Нью-Деҳлидаги «майор Дхьян Чанда» номли Миллий стадионда аланга олади.
Машъалани ёқиш маросимидан сўнг у 18 000 километрлик анъанавий эстафета бошланадиган Индонезияга йўл олади. Машъала асосий манзили – Жакартадаги «Gelora Bung Karno» стадионига етиб бориш учун 50 та шаҳар ва 18 та провинциядан ўтади. Бу ерда 18 август куни тантанали равишда Осиё ўйинларининг очилиш маросими бўлиб ўтади.
