Ronaldu bilan "MYU"da birga to‘p surgan sobiq futbolchi Rayan Giggz portugaliyalikning "Real"dan "Yuventus"ga o‘tishiga munosabatini bildirdi.
"Men uning "Real"dan ketib, Italiyaga yo‘l olganiga hayron qoldim.
O‘ylashimcha, bu uning uchun katta chorlov, ammo u top-klubga o‘tmoqda. Rezyume uchun yaxshi ish. Tasavvur qiling: "Real", "MYU" va "Yuventus". Normal rezyume!
U Messidan yaxshiroq bo‘lish g‘oyasi bilan band. Endi u: "Men buni Angliyada, Ispaniyada bajara oldim, endi Italiyada bajaraman va Portugaliya bilan bajarib bo‘lganman" deb o‘ylashi mumkin.
Balki, uning motivasiyasi "Ronaldu zo‘rmi, Messi?" degan savolga javob bo‘lishi mumkin", - deydi Giggz.