Superliganing qoldirilgan – 14-turi doirasidagi «So‘g‘diyona» hamda «Buxoro» o‘rtasidagi uchrashuv o‘z poyoniga yetdi.
O‘rtacha tempda kechgan uchrashuvning birinchi bo‘limi jamoalarning deyarli teng o‘yini ostida, golsiz yakunlandi.
Ikkinchi bo‘lim esa mezbonlar uchun bu yilgi chempionatdagi eng omadli taym bo‘ldi desa ham bo‘laveradi. Sababi 48-daqiqada Nikola Milinkovich penaltidan hisobni ochgan bo‘lsa, 52-daqiqada Sanjar Rashidov jarima to‘pidan super zarbasi evaziga ikkinchi golni kiritdi.
Oradan ikki daqiqa o‘tib esa Shoxruz Norxonov o‘zining bu mavsumdagi ilk golini urib, o‘yindagi hisobni yiriklashtirdi.
Bu gollardan so‘ng buxoroliklar uyg‘onishdi, ammo har qancha urinishmasin gol urish nasib etmadi. Hattoki, bahsning so‘nggi soniyalarida «Buxoro» foydasiga penalti belgilangandi, biroq Shahboz Erkinovning zarbasi darvoza to‘siniga tegib qaytdi.
Shu tariqa «So‘g‘diyona» o‘z maydonida «Buxoro»ni 3:0 hisobida mag‘lub etdi.
Superliga. 14-tur.
Sug‘diyona — Buxoro 3:0.
Hakamlar: Vadim Agishev, Alisher Usmonov, Sanjar Shoyusupov, Firdavs Norsafarov.
Gollar: Nikola Milinkovich 48 penalti, - 1:0. Sanjar Rashidov 51, - 2:0. Shohruz Norxonov 54, - 3:0.
So‘g‘diyona: Milan Mitrovich, Sardor Qulmatov, Shoxruz Norxonov (Oybek Nurmatov, 83), Tohirjon Shamsiddinov, Sanjar Rashidov, Sernas Darvidas, Ruslan Melziddinov, Kim Dong Xi, Milash Simonovich, Nikola Milinkovich (Siroj Meliyev, 79), Ixtiyor Toshpo‘latov (Elyor Orifov, 66)
Buxoro: Asilbek Omonov, Bobirjon Omonov, Arslonmurot Amonov, Artyom Filiposyan, Shavkat Mullajonov, Rabbim Hasanov, Ergash Ismoilov (Qahramon Bahodirov, 55), Rahmatullo Berdimurodov, Suhrob Ne’matov (Javohir Qahramonov, 55), Vadim Chemirtan, Aziz Ibragimov (SHahboz Erkinov, 55)
Ogohlantirish: Rabbim Hasanov (28).
