Pepsi Superligasi 17-turidan o‘rin olgan "Navbahor" — "So‘g‘diyona" (2:0) uchrashuvidan so‘ng mezbonlar bosh murabbiyi Ilhom Mo‘minjonov quyidagicha fikr bildirdi. Bu haqda PFL matbuot xizmati xabar bermoqda.
"Irodali g‘alaba bilan shogirdlarimni ham, stadionga tashrif buyurgan muxlislarni ham tabriklayman. Bugun yigitlar imkon qadar yaxshi o‘ynab, ishqibozlarga g‘alaba taqdim etishga urinishdi. Bundan keyin ham o‘z ustimizda shunday ishlashda davom etamiz.
Ayrim tarkibimizga yangi qo‘shilgan futbolchilarga o‘z o‘yinlarini namoyish etishi hamda jamoaga kirishib ketishi uchun biroz vaqt zarur. Hali Karimov ham, Nikach ham o‘zini ko‘rsatadi", - deydi Mo‘minjonov.
