«Manchester Yunayted» bosh murabbiyi Joze Mourinyo klubning yangi sardori nomini e’lon qildi.
O‘tgan mavsumda jamoaga Maykl Kerrik sardorlik qilgan, Antonio Valensiya esa vise-sardor bo‘lgan edi.
«Bu yil bog‘ichni Valensiya oladi, u o‘tgan mavsumda vise-sardor edi, demak bu borada yangilik yo‘q. U maydonda yo‘q bo‘lgan hollarda esa ko‘ramiz, Kris Smolling, Eshli Yang, Ander Errera yoki Xuan Mata, mana shulardan birini tanlaymiz» — dedi Mourinyo.
Eslatib o‘tamiz, Antonio Valensiya o‘tgan mavsumda «Manchester Yunayted»ning eng yaxshi futbolchisi deb topilgan edi.
