"Paxtakor" bosh murabbiyi "Metallurg" bilan o‘yin haqida fikrlarini aytib o‘tdi.

- Juda ham tig‘iz taqvim va havoning issiqligi tufayli ayni paytda futbolchilarga juda qiyin. Biz qanchalik tayyorgarlik ko‘rmaylik, baribir yozning chillasida futbol o‘ynash oson emas.

Umid qilamizki, tez orada havo harorati tushadi. O‘yinda yaxshi harakat qildik, ammo kamchiliklar hamon bor. Hujumlarni yakunlashda, so‘nggi pas va yakuniy zarbani berishda oqsayapmiz.

Natijadan ko‘nglim to‘ldi. Shunday issiq havoda 90 daqiqa yaxshi o‘ynagan futbolchilarimga rahmat aytaman. Hech kim maydonda havo harorati sabab yotib qolmadi. Ismoil Gonsalvesh o‘yinga yaxshi kirishib ketdi.

U qanotda to‘p tepuvchi bo‘lib ham o‘ynay olishini ko‘rsatdi. Raqib ham jiddiy qarshilik ko‘rsatishga urindi. Biz xatolarimizni tuzatish ustida o‘ylashda davom etamiz.