Halqaro kasaba uyushmalari konfederasiyasi (HKUK) Qatardagi JCH-2022 ob’ektlari qurilishda inson o‘limi yuqori ko‘rsatkichlarni ko‘rsatayotganini xabar qildi.

Xabarga ko‘ra, har haftada taxminan 12 kishi nobud bo‘lmoqda. Bular asosan migrantlar bo‘lmoqda, ularning soni bu mamlakatda 1,3 million kishidan oshgan. Mamlakat hukumati yaqin vaqtlar ichida yana 1 million migrantni jalb qilmoqchi.

O‘limlarga baxtsiz hodisalar emas, ish sharoiti sabab bo‘lmoqda. Odamlar 50 daraja issiqda ishlamoqdalar va o‘ta og‘ir mehnat va yashash sharoitida qolmoqdalar. Ish beruvchilar haddlaridan oshmoqdalar - muntazam qo‘rqitishlar, maosh berilmasligi va konsullikka murojaaat qilmasliklari uchun pasportlarni olib qo‘yish kabi holatlar ro‘y bermoqda.

Hindistonning Qatardagi elchisi bayonotiga ko‘ra, 2018 yilning birinchi besh oyida 82 ta hind ishchilari halok bo‘lgan va 1460 ming kishi og‘ir mehnat sharoitlaridan shikoyat qilgan.

Nepallik 70 nafar migrant o‘z konsulliklarida yashirinishga ulgurgan va vatanlariga qaytgan. Ularning pasportlari olib qo‘yilgan, maoshlari berilmagan va tahdid qilingan.

Taqqoslash uchun - Sochi Olimpiadasi qurilishida 60 kishi o‘lgan. JCH-2010 ga tayyorgarlikda 2 kishi, JCH-2014da 10 kishi olamdan o‘tgan. Qatardagi qurilishlarda halok bo‘lganlarning soni hozirdan 4000 kishiga yetgan!