Avval xabar berilganidek, poytaxtimiz shu kunlarda yana bir nufuzli musobaqa — “CAFA U-15 championship” turniriga mezbonlik qilmoqda.
Ushbu musobaqada O‘zbekiston, Turkmaniston, Afg‘oniston, Qirg‘iziston, Tojikiston va Eronning 15 yoshgacha bo‘lgan o‘smirlari ishtirok etishyapti.
Bugun musobaqaning uchinchi tur o‘yinlari bo‘lib o‘tadi. Soat 18:00da Toshkent Temiryo‘llari Muhandislik Instituti maydonida O‘zbekiston U-15 Qirg‘iziston terma jamoasi bilan bahs olib borsa, xuddi shu vaqtda "Milliy" stadionda Tojikiston U-15 terma jamoasi Turkmanistonga qarshi maydonga tushadi.
Soat 21:00da esa "Milliy" stadionida Eron U-15 - Afg‘oniston U-15 uchrashuvi bo‘lib o‘tadi.
18:00 O‘zbekiston U-15 - Qirg‘iziston U-15 (TTYMI)
18:00 Tojikiston U-15 - Turkmaniston U-15 ("Milliy")
21:00 Eron U-15 - Afg‘oniston U-15 ("Milliy")
Ikki turdan so‘ng Eron hamda O‘zbekiston U-15 terma jamoalari 6 ochkodan to‘plab, jadvalda peshqadamlik qilishmoqda.
