PEPSI Superligasining 20-turi markaziy bellashuvi “Paxtakor” markaziy stadionida bo‘lib o‘tadi.
Unda O‘zbekistonning amaldagi chempioni – Toshkentning “Lokomotiv” jamoasi safarda “Paxtakor” klubiga qarshi bahs olib boradi. Ushbu uchrashuvni tajribali eronlik referi – Alirizo Fag‘oniy boshchiligidagi hakamlar guruhi boshqarib boradi.
Shu o‘rinda ushbu ikki jamoaning o‘zaro uchrashuvlari tarixiga e’tibor qaratadigan bo‘lsak, “Lokomotiv” shu paytga qadar “Paxtakor”ga qarshi 27ta o‘yin o‘tkazgan. O‘zaro o‘yinlarning 4tasida “temiryo‘lchilar” jamoasi zafar quchgan. 17ta bellashuvda esa “qaldirg‘ochlar”ning “qo‘li baland” kelgan. Yana 6ta o‘yin esa durang bilan nihoyasiga yetgan.
“Loko” futbolchilari ushbu raqib darvozasini hozirgacha 23 marta ishg‘ol etishga muvaffaq bo‘lishgan. Darvozamizdan esa 58 bor to‘p o‘tkazib yuborganmiz.
“Temiryo‘lchilar” ushbu raqib maydonida o‘tgan 13 bahsning 2tasida g‘alaba qozongan bo‘lsa, 2 o‘yinda tomonlarning kuchi teng kelgan. Qolgan 9 bellashuv “sherlar”ning g‘olibligi bilan yakunlangan.
Birinchi davrada ushbu jamoalarning o‘zaro o‘yini “Milliy” stadionida o‘tkazilgan va unda 0:0 hisobi qayd etilgan.
“Paxtakor” – “Lokomotiv” uchrashuvi ertaga, 1 avgust kuni soat 21:00da start oladi.
