Avvalroq, O‘zbekiston Respublikasi Jismoniy tarbiya va sport vaziri lavozimida faoliyat yuritib kelayotgan Shoakrom Isroilov vazifasidan ozod etilgani haqida xabar bergan edik.
 
“Xalq so‘zi”ning ma’lumotiga ko‘ra, Shoakrom Isroilov o‘rnini Dilmurod Nabiyev egallagan.
 
Nabiyev Dilmurod Hamidullayevich 2017 yilning iyunidan buyon O‘zbekiston Respublikasi Oliy va o‘rta maxsus ta’lim vazirining birinchi o‘rinbosari lavozimida xizmat qilib kelayotgandi. Bungacha esa u 2014-2016 yillar davomida O‘zbekiston Respublikasi Prezidentining Fan, ta’lim, sog‘liqni saqlash va sportni rivojlantirish masalalari bo‘yicha Davlat maslahatchisi o‘rinbosari 2016-2017 yillarda esa O‘zbekiston Respublikasi Vazirlar Mahkamasining Ta’lim, ilm-fan va yoshlar siyosat masalalari axborot-tahlil departamenti mudiri lavozimlarida ishlagan.