Kecha, 2 avgust kuni O‘zbekiston Superligasining 20-turidan o‘rin olgan “Neftchi” – “Navbahor” uchrashuvi bo‘lib o‘tdi. O‘yinda mezbon jamoa “Neftchi” mavsumdagi ilk g‘alabasini qo‘lga kiritdi.
Ammo bu uchrashuvda g‘alati hodisa kuzatildi, ya’ni farg‘onaliklarning ikkinchi golini urgan Abdurahmon Abdulhaqov golni nishonlashi mehmonlar muxlislariga yoqmagan ko‘rinadi, ular adashib golni o‘z oldilarida nishonlayotgan “Neftchi” futbolchisiga plastik idish (baklashka) lar va turli xil buyumlarni otishgan.
Gol nishonlashning ham o‘z qoidalari bor, masalan Yevropada futbolchi gol ursa, kamdan-kam holatda raqib jamoa muxlislarini g‘ashiga tegadi, yoki bo‘lmasa umuman golni ular oldida nishonlashni hayoliga keltirmaydi.CHunki ular ham boshlariga bakalashkadan zarba qabul qilishga qo‘rqadi, albatta.
Ammo “Neftchi”ga g‘alaba keltirgan gol muallifi Abdurahmon Abdulhaqov bunday yo‘l tutmasdan yoppasiga “Navbahor” muxlislari joylashgan sektor tomon yugurib bordi va olarini-olib ortiga qaytdi. Videolavhada yaxshilab kuzatsangiz, Abdulhaqovning xursandchiligini xuddi jahon chempionati finalida urilgan gol xursandchiliga qiyoslash ham mumkin.
Ey bola, axir bu Superliga-ku. Va gol urishga-urding lekin nima keragi bor muxlislarning asabiga tegib, muxlislar futbol ko‘rish ilinjida ma’naviy dam olaman deb stadionga tushadi. Senga bakalashka otish ular uchun ham havas emas. Futbolchi nima bo‘lgan taqdirda ham o‘z hissiyotlarini jilovlay olishi shart.
Xo‘sh bu vaziyatda kimni aybdor deb topish mumkin? Golni raqib jamoa muxlislari oldida ataylab nishonlagan futbolchinimi yoki stadionga bakalashkada suv olib kirishga yo‘l qo‘yib bergan Ichki ishlar xodimlarinimi?
Balki qiziqqon “Navbaxor” muxlislari bu vaziyatda aybdordir? O‘yin yakunlanganiga deyarli bir sutka bo‘lyapti, lekin bu holat bo‘yicha O‘zPFL mutasaddilari hozircha rasmiy ma’lumot bermadi. Go‘yoki, hech nima bo‘lmagan. Holis jurnalist sifatida shuni aytishim mumkinki bu holat shunchaki yopiq qozon ichida qolib ketmasligi kerak.
Axir, klublar, hakamlar va futbolchilarning jarimaga tortilgani shu yo‘l bilan aqlini kiritib qo‘yilgani haqidagi yangiliklar e’lon qilinmayotganiga ham ancha bo‘lib qoldi. Nima ham derdik, so‘nggi qarorni O‘zPFL aytsin!
