Ravshan Haydarov boshchiligidagi O‘zbekiston olimpiya terma jamoasi Toshkentda Osiyo o‘yinlariga so‘nggi tayyorgarlikni olib borayotgani haqida avval xabar berib o‘tgandik.

Futbolchilar Toshkent temiryo‘llari muhandislik instituti maydonida o‘quv-mashg‘ulot yig‘inida ishtirok etishyapti.

Bugun olimpiyachilarimiz “Metallurg” jamoasiga qarshi nazorat uchrashuvini o‘tkazishadi. O‘yin soat 18:00da boshlanadi.

Bugungi nazorat o‘yinidan keyin Osiyo o‘yinlarida qatnashadigan terma jamoaning yakuniy tarkibi aniqlanadi. Ravshan Haydarov boshchiligidagi terma jamoa a’zolari ertaga kechqurun soat 21:00da Indoneziyaga yo‘l olishadi.

Osiyo o‘yinlarining futbol bo‘yicha musobaqasiga 14 avgust kuni start beriladi. Terma jamoamizning Osiyo o‘yinlaridagi taqvimi:

14 avgust

1-tur:
O‘zbekiston – Bangladesh
Jakarta. «Pakansari» stadioni
Boshlanish vaqti: 14:00

16 avgust
2-tur:
Qatar – O‘zbekiston
Jakarta. «Pakansari» stadioni
Boshlanish vaqti: 17:00

19 avgust
3-tur:
Tailand – O‘zbekiston
Jakarta. «Pakansari» stadioni
Boshlanish vaqti: 17:00

Izoh: O‘yinlar boshlanishi Toshkent vaqti bilan ko‘rsatilgan