Allaqachon 20-turi yakuniga yetgan O‘zbekiston Superligasining formati o‘zgarmaydi, deya yozadi Diyor Imomxo‘jayev.
Diyorning ma’lum qilishicha, avvaldan belgilab qo‘yilganidek, Superliga klublari 22-turdan keyin ikkiga bo‘linadi.
Dastlabki olti o‘rin egalari keyingi 10 ta tur davomida chempionlik kurashini o‘zaro davom ettiradi. Keyingi oltilik esa Superligadagi o‘rnini saqlab qolish uchun raqobat hosil qiladi.
Bunda “oltin ochko” qoidasi o‘z kuchini saqlab qoladi. Professional futbol ligasi mavsumning qoq o‘rtasida chempionat formati o‘zgarishini mantiqsiz ish deb hisoblaydi. Bungacha bo‘lgan gap-so‘zlar esa hech qanday asosga ega emas.
