Ishonish qiyin bo‘lgan fakt: Antuan Grizmann va Lyuka Ernandes «Atletiko»ning jahon chempionatidan g‘alaba bilan qaytishgan ilk vakillari hisoblanishadi.
Ya’ni joriy yilga qadar «matraschi-lar»ning biror futbolchisiga JCHda shohsupaga ko‘tarilish nasib etgan emasdi. Qiziq, bu borada qaysi klublar oldinda?
Soccer.ru sayti ijodkorlari aynan shu masalaga qiziqib, butun tarixda mundial oltin medalini yutganlarga nazar solishdi: ular o‘zlari uchun muvaffaqiyatli yakunlangan jahon birinchiligi payti qaysi klub a’zosi sanalishgan?
Darvoqe, joriy yil Xorvatiya termasi finalda fransuzlarni yengganida, tarixda ilk marta Rossiya klubining amaldagi futbolchisi jahon chempioni maqomini olardi - Vedran Chorluka («Lokomotiv»).
1 nafar chempionga ega klublar (37ta): «Amerika» (Mexiko), «Atletiko Paranaense», «Bangu», «Augsburg», «Kalyari», «Deportivo Es-panyol» (Buenos-Ayres), «Elche», «Estudiantes» (La-Plata), «Everton» (Liverpul), «Ferro Karril Oeste», «Pirmazens», «Frankfurt», «Fulxem», «Gannover», «Gessen-Kassel», «Lechche», «Lester», «Livorno», «Luchcheze», «Manchester Siti», «Mes», «Miramar», «Montevideo Uonderers», «Nant», «Olimpiya», «Piza», «Rasing» (Montevideo), «Betis», «Redjina», «Rot Vayss» (Essen), «Frayburg», «Shimisu S-Pals», «Sautgempton», «Torino», «Veles Sarsfild», «Vilyarreal», «Vulverxempton»
Ha, jahon futbolidagi 37ta klub yagona jahon chempioniga ega. Muhimi, shu yagonalar orasida chinakam qahramonlar ham bor! Deylik, «Lester» buyuk darvozabon Gordon Benks bilan har qancha g‘ururlanishi mumkin, «Rot Vayss» esa JCH-54 finali qahramoni Xelmut Ran bilan.
Chunonchi, birinchisi inglizlar g‘alabasiga mislsiz hissa qo‘shgan, ikkinchisi hal qiluvchi bahsda yengilmas vengrlar darvozasiga 2ta gol urgan. JCH-2018 yakunida «Manchester Siti» ham nihoyat, jahon chempioni bor klublar qatoriga qo‘shildi - Benjamen Mendi Fransiya termasi safida «shaharlik» sifatida «oltin» oldi.
2 nafar chempionga ega klublar (27ta): «Nyurnberg», «Argentinos Xuniors», «Atletik» (Bilbao), «Atletiko» (Madrid), «Atletiko Mineyro», «Bayer» (Leverkuzen), «Blekpul», «Boka Xuniors», «Sentral» (Montevideo), «Danubio», «Deportivo» (La-Korunya), «Fortuna» (Dyusseldorf), «Jenoa», «Gamburg», «Lids», «Lion», «Napoli», «Nyuells Old Boyz», «Parma», «Rasing» (Avelyaneda), «Rampla Xuniors», «Sampdoriya», «San-Lorenso», «Sevilya», «Groyter Fyurt», «Tottenxem», «Udineze»
Mana, Madrid «Atletiko»si Antuan Grizmann va Lyuka Ernandes tufayli birdaniga 2 nafar chempionga ega klublar qatoriga kirdi. Ugo Lyoris, Stiven N~Zonzi va Nabil Faqir esa tegishlicha «Tottenxem», «Sevilya» va «Lion»ni yuqoriroqqa ko‘tarishdi. «Napoli» chempionlaridan biri Diyego Maradonadir, «Bayer»ning har ikki qahramoni esa Braziliyadan - Paulo Serjio va Lusio.
3 nafar chempionga ega klublar (11ta):«Oser», «Bella Vista», «Serro» (Montevideo), «Gremio», «Urakan», «Portugeza», «Talyeres» (Kordoba), «Triyestina», «Shtutgart», «Verder», «Vest Xem»
3 nafar chempionga ega 11ta klubdan 6tasi Janubiy Amerika va 5tasi Yevropa vakilidir. Bu ro‘yxatdan «Shtutgart»ni ajratib ko‘rsatish kerak: nemis klubi yangigina chempioni bilan maqtanishga haqli - Benjamen Pavar. E’tiborlisi, «Shtutgart» qahramonlari turli terma jamoalarga tegishli: Benjamin Pavar (Fransiya), Dunga (Braziliya) va Gvido Buxvald (GFR).
4 nafar chempionga ega klublar (4ta): «Ayntraxt» (Frankfurt), «MYU», «Palermo», «Vasku da Gama»
Klub futboli grandlaridan biri - «Manchester Yunayted»ning «Ayntraxt» va «Palermo» kabi o‘rtamiyonalar bilan bir qatorda turgani biroz g‘alati. Boz ustiga, JCH-2018ga qadar atigi 3 nafar «qizil iblis»ga jahon tojini kiyish nasib etgandi.
Qolaversa, har uchovi 1966 yili aynan Angliyada o‘tkazilgan mundialda zafar quchgandi: Bobbi Charlton, Jon Konnelli va Nobbi Staylz. Endi shu trio Pol Pogba hisobiga kvartetga aylandi.
5 nafar chempionga ega klublar (10ta):«Kayzerslautern», «Bo- lonya», «Chelsi», «Kruzeyro», «Lasio», «Liverpul», «Marsel», «Monako», «Shalke», «Valensiya»
Bu yil N~Golo Kante va Olivye Jiru «Chelsi» reytingini ko‘tarishdi, Toma Lemar va Jibril Sidibe «Monako»ga ikki ochko qo‘shishdi, «Marsel» esa birdaniga 3 nafar yangi chempionini qarshi oldi - Odil Rami, Stiv Mandanda va Florian Toven
6 nafar chempionga ega klublar (2ta): «Borussiya» (Menxengladbax), «PSJ»
Menxengladbax jamoasi chempionlari orasida Yupp Xaynkes va Berti Fogts kabi afsonalar bor. «PSJ» esa JCH-2018dan so‘ng bu borada ikki baravar olg‘a siljidi: Rai, Bernar Lama va Ronaldinyo qatoriga Kilian Mbappe, Presnel Kimpembe va Alfonso Areolya qo‘shilishdi.
7 nafar chempionga ega klublar (5ta): «Arsenal» (London), «Borussiya» (Dortmund), «Flamengo», «Fluminense», «Independyente»
JCH-2014 «Arsenal»ga 3 nafar yangi chempion taqdim etgandi: Mesut Ozil, Pyer Mertezaker va Lukas Podolski. Bu safar esa «kanonir-lar»dan hech kim taxtga chiqqani yo‘q. Vaholanki, Arsen Venger davrida Fransiya termasi va «Arsenal» o‘rtasida mustahkam aloqa o‘rnatilgandi.
Biroq londonliklar qishda Olivye Jiruni «Chelsi»ga qo‘yib yuborishdi, Aleksandr Lakazett esa Didye Desham ishonchini qozonolmadi. Shuningdek, Braziliya mundialidan «Borussiya» (Dortmund)ning birdaniga 4 nafar vakili bosh sovrin bilan qaytgandi - Kevin Gross-kroys, Roman Vaydenfeller, Mats Xummels va Erik Durm. Hozirgi Fransiya milliy jamoasida esa Dortmund klubdan futbolchi yo‘q.
8 nafar chempionga ega klublar (3ta):«Botafogo», «Korintians», «Fiorentina»
«Fiorentina» vakillari 4ta mundialda g‘alaba nashidasini surishgan. Bu jamoadan chiqqan oxirgi chempion - Luka Toni (2006 yil). «Korintians» esa Braziliya termasi zafari bilan yakunlangan 5ta JCHdan 4tasiga futbolchi yuborgan. «Botafogo» vakillariga kelsak, ular braziliyaliklar shohsupaga ko‘tarilgan 3ta mundialda ishtirok etishgan.
9 nafar chempionga ega klublar (3ta): «Kyoln», «Palmeyras», «River Pleyt»
«Oltin»ga burkangan Braziliya termasi (1958, 1962, 1970, 1994 va 2002) tarkibida har doim «Palmeyras» futbolchisiga joy topilgan. «Kyoln» va «River Pleyt» vakillari esa tabiiyki, asosan nemislar va argentinaliklar safida javlon urishgan.
10 nafar chempionga ega klub: «Milan»
Milan shahri klubining 9 nafar chempioni italiyalik ekanligida ajablanadigan tomoni yo‘q. «Rossoner» sifatida jahon tojdori bo‘lgan yagona xorijlik - bu JCH-98da Fransiya termasi yutug‘iga katta hissa qo‘shgan Marsel Desayi.
11 nafar chempionga ega klublar (3ta): «Barselona», «Real» (Madrid), «Santos»
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
