Ayni vaqtda Indoneziyaning Jakarta va Palembang shaharlarida Osiyo o‘yinlari musobaqasining 2-kundagi bahslari yakuniga yetdi.
 
Sizga e’lon qilayotgan ushbu sahifada o‘zbekistonlik sportchilarning Osiyo o‘yinlaridagi natijalaridan xabardor bo‘lishingiz mumkin. Sahifa avtomat ravishda to‘ldirib borildi.    Ayni paytda sportchilarimiz tomonidan 1ta oltin, 2ta kumush va 4ta bronza medali qo‘lga kiritilgan. Jami 7ta medal!
Shu bilan O‘zbekiston sport delegasiyaning Osiyo o‘yinlari musobaqasining 2-kunidagi ishtiroki o‘z nihoyasiga yetdi. 

O‘zbekiston terma jamoasining 1/8 finaldagi raqibi Gonkong. O‘yin 23 avgust kuni bo‘lib o‘tadi.

Ushu. Akmal Raximov qirg‘izistonlik raqibini mag‘lub etib keyingi bosqichga yo‘l oldi.

Davit Modzmanashvili hindistonlik raqibini mag‘lubiyatga uchratib bronza medalini qo‘lga kiritdi! 7-medal!

Erkin kurash. Dauletbike Yaxshimuratova bronza medali uchun bahsda janubiy koreyalik raqibga 0:6 hisobida mag‘lubiyatga uchradi.

Tennis. Denis Istomin va Farrux Do‘stov juftlik bahslaridagi ilk uchrashuvni o‘tkazdi. Ular pokistonlik tennischilar - Obid Muhammad va Murtazo Muzammil juftligini 7:6(5), 6:2 hisobida mag‘lub etdilar. Tennis. Jo‘rabek Karimov va Sanjar Fayziyev juftligi livanlik raqiblarni 6:3, 6:1 hisoblarida mag‘lub etib, ikkinchi davraga yo‘l oldi.

-58 kg vazn toifasida O‘zbekiston sharafini himoya qilayotgan taekvondochi Niyoz Po‘latov oltin medal uchun Janubiy Koreya vakili Kim Tae Xunga qarshi kurashdi. O‘zbekiston vakili ushbu jangda raqibiga 24:6 hisobida imkoniyatni boy berdi va kumush medal sohibiga aylandi.
Taekvondo. -58 kg vazn toifasida bahslarda ishtirok etgan Niyoz Po‘latov eronlik raqibini mag‘lub etib, finalga yo‘llanma oldi.

Istomin/Do‘stov juftligi hindistonlik raqiblarni 7:6, 6:2 hisoblarida mag‘lubiyatga uchratdi.
 
Taekvondo. Nigora Tursunqulova yarim finalda Janubiy Koreya, Niyoz Po‘latov esa eronlik raqibga qarshi jang o‘tkazib, mag‘lub bo‘ldi.
 
Erkin kurash. Davit Modzmanashvili eronlik kuchli raqibga mag‘lub bo‘ldi va bronza medali uchun kurashadigan bo‘ldi
 
Taekvondo. -58kg vazn toifasida bahslarda ishtirok etgan Niyoz Po‘latov tailandlik raqibga qarshi kechgan qiyin bahsda 23:22 hisobida g‘alaba qozonib, yarim finalga yo‘l oldi.
 
Ayollar kurashi. Dauletbike Yaxshimuratova hindistonlik sportchiga yutqazib qo‘ydi. Endi u bronza medali uchun gilamga chiqadi.
 
Taekvondo. -67kg vazn toifasida yurtimiz sharafini himoya qilayotgan Nigora Tursunqulova makaolik raqibini mag‘lubiyatga uchratib, yarim final yo‘llanmasini o‘ziniki qildi.
 
Erkin kurash. Davit Modzmanashvili mo‘g‘ulistonlik raqib ustidan 3:0 hisobida g‘alaba qozondi va yarim finalga yo‘l oldi.
 
Tennis. To‘laganova / Sharipova juftligi keyingi bosqichga yo‘l oldi. Gap shundaki, Xitoy Taypeyi tennischilaridan biri jarohat oldi va uchrashuvni davom ettira olmasligini ma’lum qildi.
 
Tennis. Jo‘rabek Karimov livanlik raqibi ustidan 6:4, 7:5 hisoblarida g‘alaba qozondi.

Tennis. Nigina Abduraimova qozog‘istonlik raqibini 0:6, 6:2, 6:2 hisoblarida mag‘lub etdi va keyingi bosqichga yo‘l oldi.
 
Erkin kurash. Birozdan so‘ng Davit Modzmanashvili mo‘g‘ulistonlik polvonga qarshi jang qiladi.
 
Tennis. Iroda To‘laganova va Sabina Sharipova juftlik bahslarida kortga chiqdilar.
 
Ayollar kurashi. Nabira Yesenbayeva hindistonlik sportchiga yutqazib qo‘ydi. Agar hind sportchisi finalgacha yetib boradigan bo‘lsa hamyurtimizda bronza medali uchun kurashish imkoniyati bo‘ladi. Aks holda Nabira uchun Osiyo o‘yinlari nihoyasiga yetdi.
 
Ayollar kurashi. Daulatbike Yaxshimuratova mo‘g‘ulistonlik raqibasini mag‘lubiyatga uchratib, yarim finalga yo‘l oldi.
 
Tennis. O‘zbekistonning birinchi raketkasi Denis Istomin pokistonlik raqibni 2:0 hisobida mag‘lub etib, ikkinchi davraga yo‘l oldi.
 
Erkin va ayollar kurashi. David Modzmanashvili chorak finalda mo‘g‘ulistonlik, Nabira Yesenbayeva hindistonlik, Dauletbike Yaxshimuratova ham mo‘g‘ulistonlik kurashchilarga qarshi gilamga chiqadilar.
 
Ushu. Darya Latisheva taulu bahslarida ikkinchi natijani qayd etdi va kumush medal sohibasiga aylandi!
 
Taekvondo. Nigora Tursunqulova ilk jangida gonkonglik raqibini katta ustunlik bilan mag‘lub etdi va keyingi bosqichga yo‘l oldi.
 
Akademik eshkak eshish. Sakkiztalik bahslarda startga chiqqan sportchilarimiz finishga birinchi bo‘lib yetib borishdi va to‘g‘ridan-to‘g‘ri finalda ishtirok etish huquqini qo‘lga kiritdilar.
 
O‘q otish. Vadim Skorovarov saralash bahslarida muvaffaqiyatli ishtirok etdi va final yo‘llanmasini qo‘lga kiritdi. Birozdan so‘ng u medallar uchun kurashni boshlaydi.
 
Akademik eshkak eshish. Shahboz Xolmurzayev o‘z chiqishida uchinchi ko‘rsatkichni qayd etdi va keyingi bosqichga yo‘l oldi.
 
Bugun musobaqalarda ishtirok etayotgan sportchilar ro‘yxati:
 
Taekvondo WTF
Saralash va final
 
-67 kg: Nigora Tursunqulova
-58 kg: Niyoz Po‘latov
-53 kg: Dinara Mamadibragimova
 
Erkin kurash
Saralash va final
 
-125 kg: Davit Modzmanashvili
-50 kg: Daulatbike Yaxshimuratova
-53 kg: Sevara Eshmuratova
-57 kg: Nabira Esanboyeva
 
O‘q otish
Saralash va final
 
-Skoravarov Vadim
-Pardaboyeva Zaynab
-Mamedova Sakina
 
Ushu
 
Latisheva D (Taulu, final)
 
Haydarov I (Nimchorak)
Rahimov A (Nimchorak)
 
Sport gimnastikasi
Saralash (Bras, Individual, Jamoaviy)
 
Fokin A
Azimov A
Abdurahimov R
Abdusamatov X
Hamroqulov A
 
Akademik eshkak eshish
Sakkiztalik LM8+ 2000 m (saralash) – 11:00-14:00
 
Yarov A
Bahriyev D
Mambetnazarov I
Xursanov D
Najmiyev Sh
Rahimov O
Hakimov Sh
Usmonov Z
Krasnov A
 
To‘rttalik M4x 2000 m (saralash) – 11:00-14:00
Davronov U
Astanov F
Muhammedov A
Abdujabborov Sh
 
Tennis
Yakkalik, 2-bosqich
 
Denis Istomin
Sanjar Fayziyev
Sabina Sharipova
Nigina Abduraimova
 
Juftlik, erkaklar, 1-bosqich
Denis Istomin/Farrux Do‘stov
Sanjar Fayziyev/Jo‘rabek Karimov
 
Juftlik, ayollar, 1-bosqich
Iroda To‘laganova/Sabina Sharipova
Nigina Abduraimova/Oqgul Omonmurodova.