«Liverpul» Angliya chempionatining 2-turida ham g‘alabaga erishdi. Klopp shogirdlari bu safar ancha ter to‘kishlariga to‘g‘ri keldi.

«Kristal Pelas» yaxshi himoyalanish bilan birgalikda raqib darvozasi oldida yetarlicha xavfli vaziyatlarni yuzaga keltirdi. Faqatgina birinchi bo‘limning so‘nggi daqiqasiga kelib mehmonlar hisobni ochishga muvaffaq bo‘lishdi.

«Liverpul» ikkinchi bo‘limda hisobni mustahkamlashga harakat qilishdi, boisi bir to‘p farqidagi hisob ancha qaltis edi. «Kristal Pelas» bir necha marta muvozanatni tiklashga yaqin keldi, hattoki, ular bir kishi kam bo‘lib qolganlaridan keyin ham. Ammo "qizillar" posboni Alisson o‘z mahoratini ko‘rsatib, ikkinchi o‘yinda ham darvoza daxlsizligini saqlab qoldi.

O‘yinga qo‘shib berilgan daqiqalarda Sadyo Mane ikkinchi golga mualliflik qildi va bahs taqdirini hal qildi.

Ushbu g‘alabadan keyin «Liverpul» 6 ochko jamg‘argan oltita jamoadan biri bo‘lib turibdi.

2-y tur
Kristal Pelas – Liverpul 0:2 (0:1, 0:1)
Gollar: 0:1 – 45, penalti Milner, 0:2 – 90 Mane.
Kristal Pelas – Xennessi, Uan-Bissaka, Tomkins, Sako, van Anxolt, Taunsend (Uord, 79), Milivoyevich, Makartur, Shlupp (Mayer, 83), Benteke (Serlot, 70), Zaa.
Liverpul – Alisson, Aleksander-Arnold, Gomes, van Deyk, Robertson, Milner (Xenderson, 67), Veynaldum, Keyta (Lallana, 87), Salax, Firmino (Starrij, 90), Mane.
Ogohlantirishlar: van Anxolt (42), Aleksander-Arnold (52).
Chetlatish: Uan-Bissaka (75).