Mashg‘ulot davomida Ektor Kuperga uning yordamchilari Xose Karlos Fantagussi, Antonio Sarioglu va Mahmud Fayoz Muhammad yordam berishdi. Avvaliga futbolchilar yengil chigalyozdi mashqlarini olib borishdi. Keyin futbolchilar pozisiyalariga ko‘ra guruhlarga bo‘linishdi. Har bir guruh bilan alohida mashq o‘tkazildi.
Darvozabonlar bilan "Nasaf"dan chaqirilgan murabbiy Denis Ivankov ishladi. Keyin futbolchilar maydonning yarmida ikkiga bo‘lingan holda futbol o‘ynashdi. Mashg‘ulotdan keyin futbolchilar muz to‘ldirilgan basseynga tushib, tiklanish mashqlarini davom ettirishdi.
Mashg‘ulotlar quvnoq kayfiyatda o‘tganini, futbolchilar yangi murabbiy ko‘z o‘ngida astoyidil mehnat qilishganini ham alohida ta’kidlab o‘tish kerak.
