O‘zbekiston olimpiya terma jamoasi yarim himoyachisi Ikrom Aliboyev Janubiy Koreyaga uchralgan alamli mag‘lubiyatga ijtimoiy tarmoqdagi sahifasida munosabat bildirdi. 

“Birinchi shu jamoaga kelganimda unchalik kirishib keta olmgandim, vaqt o‘tdi, sizlarning yordaminglar bilan shu katta oilaning bir a’zosiga aylandim. 

Bu jamoa butun umr yodimda qoladi, yutishni juda xohlagan edik, biroq ozgina omadning yetishmasligi bizga pand berib kuydi. Hammaga rahmat aytmoqchiman, sizlarni quchib kolaman! 

Muxlislarga ham katta raxmat yutqazgan bo‘lsak ham minnatdorchilik bildirishdi. Shu muxlislar uchun ham yanada kuchli bo‘lib qaytishimiz kerak!”, deya yozadi Ikrom Aliboyev.

Eslatib o‘tamiz, O‘zbekiston OTJ Osiyo o‘yinlarining chorak finalida Janubiy Koreyaga 3:4 hisobida imkoniyatni boy berdi.

Ikrom Aliboyev ushbu bahsda dubl muallifiga aylandi va shu bilan birga o‘yinning oxirgi daqiqalarida ikkinchi sariq kartochkani olib, maydonni ko‘z yoshlar bilan tark etdi.