Bugun Indoneziyada davom etayotgan Osiyo o‘yinlari musobaqasining o‘n uchinchi kunida o‘zbekistonlik bokschilarning barchasi yarim final bosqichida jang o‘tkazadilar.
Avvalroq 52 kg vazn toifasida Jasurbek Latipov qirg‘izistonlik Ozot Usenaliyevga qarshi ringga ko‘tarilib, 4:1 hisobida g‘alaba qozondi va musobaqa finaliga yo‘llanma olgan edi.
Hozirgina, 60 kg vazn toifasida Shunqor Abdurasulov tailandlik raqibi Juntrong Rujakranga qarshi jang qildi va 5:0 hisobida g‘alaba qozonib, o‘zbek bokschilari ichida ikkinchi finalchiga aylandi.
Bugun yana ushbu bokschilarimiz janglarini o‘tkazadilar.
13:15. 69 kg. Bobousmon Baturov – Saylom Arde (Tailand)
16:00. 49 kg. Hasanboy Do‘stmatov – Vu Jonglin (Xitoy)
16:45. 56 kg. Mirazizbek Mirzaxalilov – Sunan Amoragam (Indoneziya)
17:00. 64 kg. Iqboljon Xoldorov – Daysuke Narimatsu (YAponiya)
17:45. 75 kg. Isroil Madrimov – Felix Marsyal (Filippin).
