Osiyo o‘yinlari musobaqasida barcha bokschilarimizning final jangi yakuniga yetdi.
75 kg vazn toifasida O‘zbekiston sharafini himoya qilgan Isroil Madrimov qozog‘istonlik raqibi Amankul Abilxanni 3:1 hisobida mag‘lub etdi.
Hakamlarning baholari:
13:30. 75 kg. Amankul Abilxan (Qozog‘iston) - Isroil Madrimov — 2:3 (28:27, 28:27, 27:28, 26:29, 27:28)
Eslatib o‘tamiz, avvalroq Hasanboy Do‘stmatov hindistonlikka yutqazib qo‘ygan edi. Ikkinchi jangda Jasurbek Latipov filippinlik raqibini 3:1 hisobida taslim etdi va oltin medalni rasmiylashtirdi.
So‘ngra Mirazizbek Mirzaxalilov ham Shimoliy Koreya vakilini jarohat evaziga yutgan edi. Ammo Shunqor Abdurasulov mo‘g‘ulistonlik bokschiga yutqazib qo‘ydi.
Keyinchalik Iqboljon Xoldorov mo‘g‘ulistonlik raqibi Baatarsux Chinzorigga 5:0 hisobida mag‘lub etib, musobaqa g‘olibiga aylandi. Bobousmon Boturov esa qozog‘istonlik raqibi Aslanbek Shimbergenov 3:1 hisobida mag‘lub etdi va natijalarimizni Erondan o‘tib ketishiga katta hissa qo‘shdi.
Shu tariqa, O‘zbekiston boks terma jamoasi a’zolari Osiyo o‘yinlari musobaqasida 5 ta oltin va 2 ta kumush medalni delegasiya hisobiga qo‘shib qo‘yishdi.
