Joriy futbol mavsumida hisob bo‘yicha 27-milliy chempionatimizga guvoh bo‘lyapmiz. Ortda qolgan 26 mavsum davomida mamlakatimiz futbolining bosh musobaqasi oliy liga deb yuritilgani barchaga ma’lum.
Mana, bu yil ichki turnirimizning nafaqat nomi, balki formati ham o‘zgardi. Aytish kerakki, Superliga nomini olgan elit divizionning ortda qolgan birinchi bosqichi ko‘pchilikda ijobiy taassurot uyg‘otdi.
Superliga formati va bosqichlari xususida yetarlicha yozildi va bunday ma’lumotlarni takrorlash shart bo‘lmasa kerak. Yaxshisi, bugun hukmingizga birinchi bosqich yakunlari va qayd etilgan sara statistik ko‘rsatkichlarni havola etamiz.
UMUMIY MA’LUMOT
1 mart kuni start olgan Superliga birinchi bosqichi 19 avgustda yakuniga yetdi. Salkam 6 oy davomida muxlislar 132ta uchrashuvga guvoh bo‘lishdi. To‘g‘ri, bu yil elitada jamoalar sonining qisqartilishi chempionat geografiyasini biroz toraytirdi. Ammo O‘zbekiston PFL «Sport» telekanali bilan hamkorlikda deyarli barcha uchrashuvlarni efirga uzatishga erishdi.
Aksariyat o‘yinlar to‘g‘ridan-to‘g‘ri olib ko‘rsatildi. Bu orqali milliy chempionat o‘yinlariga nisbatan qiziqish ma’lum darajada jonlandi. Raqamlarga murojaat etsak, Superliganing birinchi davrasi qiziqarli va murosasiz kurashlarga boy o‘tganini ko‘rsatmoqda.
Misol uchun, birinchi bosqichda qayd etilgan 32ta durangdan 18tasi birinchi davraga to‘g‘ri kelmoqda. Hakamlar birinchi davra o‘yinlarida futbolchilarga 270 marta sariq kartochka ko‘rsatishdi. Ikkinchi davrada esa bu ko‘rsatkich 211tani tashkil etdi. To‘liqroq ma’lumot esa quyidagi solishtirma jadvalda aks etgan.
|
Ko‘rsatkichlar |
1-davra |
2-davra |
Jami: |
|
O‘yinlar soni |
66 |
66 |
132 |
|
Gollar soni |
142 |
157 |
299 |
|
Mezbon jamoalar gollari |
80 (56,34 foiz) |
97 (61,78 foiz) |
177 (59,2 foiz) |
|
Mehmon jamoalar gollari |
62 (43,66 foiz) |
60 (38,22 foiz) |
122 (40,8 foiz) |
|
Mezbon jamoalar g‘alabasi |
30 (45,45 foiz) |
34 (51,51 foiz) |
64 (48,48 foiz) |
|
Durang |
18 (27,27 foiz) |
14 (21,21 foiz) |
32 (24,24 foiz) |
|
Mehmon jamoalar g‘alabasi |
18 (27,27 foiz) |
18 (27,27 foiz) |
36 (27,27 foiz) |
|
1ta o‘yinda o‘rtacha gol |
2,15 |
2,38 |
2,27 |
|
Sermahsul o‘yinlar (+3 gol) |
11 (16,67 foiz) |
13 (19,69 foiz) |
24 (18,18 foiz) |
|
Gol urilmagan o‘yinlar |
10 (15,15 foiz) |
3 (0,04 foiz) |
13 (9,85 foiz) |
|
Muxlislar soni |
800719 |
454203 |
1254922 |
|
1ta o‘yinda o‘rtacha |
12132 |
6882 |
9507 |
|
Penaltilar soni |
22 |
26 |
48 |
|
Penaltidan urilgan gollar |
20 |
20 |
40 |
|
Penaltidan foydalanish |
90,91 foiz |
76,92 foiz |
83,33 foiz |
|
Avtogollar |
7 |
3 |
10 |
|
Ogohlantirishlar (o‘rtacha) |
270 (4,09) |
211 (3,20 foiz) |
481 (3,64) |
|
Chetlatishlar (o‘rtacha) - qiz.|2-sar. |
11 (0,17) - 5|6 |
11 (0,17) - 4|7 |
22 (0,17) - 9|13 |
|
Futbolchilar soni (legionerlar) |
|
|
304 (45 - 14,8 foiz) |
TO‘PURARLAR MASALASI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
