Portugaliya terma jamoasi bosh murabbiyi Fernandu Santush Italiyaga qarshi o‘yindan so‘ng fikrlarini bildirib o‘tdi.
“Raqib va jamoamning darajasini hisobga olib uchrashuv qiyin o‘tishini sezgandim. O‘yin borishini qo‘l ostimizga olsak ularga muammo tug‘dirishimizni bilgandik.
Italiya bizga qarshi ikkita hujumchi bilan o‘ynab bizni hayron qoldirishni xohladi. Uchrashuv tugashiga 10 daqiqa qolganida o‘yin tempini tushirdik va ular yana o‘yinga qaytishdi.
Uchrashuvni golsiz tark etganimizda adolatsizlik bo‘lar edi. Tanaffus vaqtida yigitlarga to‘xtamaslikni maslahat berdim. Albatta, bunday raqibga qarshi butun o‘yin davomida ustunlik qila olmasdik.
Bir oyog‘imiz bilan finaldamizmi? Ikki oyog‘imiz bilan turishimiz kerak. Bir oyoqda tursang yiqilib ketishing mumkin”, - deydi Santush.
