Португалия терма жамоаси бош мураббийи Фернанду Сантуш Италияга қарши ўйиндан сўнг фикрларини билдириб ўтди.
“Рақиб ва жамоамнинг даражасини ҳисобга олиб учрашув қийин ўтишини сезгандим. Ўйин боришини қўл остимизга олсак уларга муаммо туғдиришимизни билгандик.
Италия бизга қарши иккита ҳужумчи билан ўйнаб бизни ҳайрон қолдиришни хоҳлади. Учрашув тугашига 10 дақиқа қолганида ўйин темпини туширдик ва улар яна ўйинга қайтишди.
Учрашувни голсиз тарк этганимизда адолатсизлик бўлар эди. Танаффус вақтида йигитларга тўхтамасликни маслаҳат бердим. Албатта, бундай рақибга қарши бутун ўйин давомида устунлик қила олмасдик.
Бир оёғимиз билан финалдамизми? Икки оёғимиз билан туришимиз керак. Бир оёқда турсанг йиқилиб кетишинг мумкин”, - дейди Сантуш.
