Bugun Xorvatiya terma jamoasi Millatlar ligasi musobaqasi doirasida navbatdagi o‘yinini o‘tkazib, safarda Ispaniyaga 0:6 hisobi bilan yirik mag‘lubiyatga uchradi.

Gap shundaki, bu o‘yin xorvatiyaliklar murabbiyi Zlatko Dalich uchun JCH-2018dan keyin 2-o‘yin bo‘ldi. Xorvatiya bungacha Portugalya bilan o‘rtoqlik o‘yinida maydonga tushib, 1:1 hisobida durang o‘ynagan edi.

Eslatib o‘tamiz, Xorvatiya bu yil Rossiyada o‘tgan jahon chempionati finaliga qadar yetib borib, Fransiyaga 2:4 hisobida imkoniyatni boy berib qo‘ygandi. Xorvatiyaliklar shundan so‘ng hali birorta o‘yinda g‘alaba qozona olmayapti.