"PSJ" klubi prezidenti Nosir Al Helayfiy La liga prezidenti Xavyer Tebas tomonidan aytilgan so‘zlarga munosabatini bildirdi.
"Bizda moliyaviy feyr-pley bilan bog‘liq muammolar borligi haqidagi barcha xabarlar - shunchaki mish-mishlardir va ular Ispaniya tomonlardan chiqmoqda. Ammo biz bunga e’tibor bermay, xotirjamlikni saqlab turibmiz. Biz barchasini qonun-qoidalar doirasida bajarganmiz.
Biz o‘zimiz uchun rekord darajadagi summaga futbolchilarni sotdik. Oldingda do‘stdek ko‘rinib, ortingdan g‘iybat qiladigan insonlarni yomon ko‘raman. Men yuzma-yuz aytiladigan to‘g‘ri gaplarni yoqtiraman. Men hech qachon Tebasning ortidan gapirmaganman, u esa shunday qilmoqda. Oxirgi marta suhbatimizda mutlaqo vijdonan gaplashganman. U esa, butun dunyoga - "Yuventus", "Inter", "PSJ"ga hujum qiladi. U bizga halaqit bermay, La ligasi bilan shug‘ullangani ma’qul", - deydi Helayfiy.
