"ПСЖ" клуби президенти Носир Ал Ҳелайфий Ла лига президенти Хавьер Тебас томонидан айтилган сўзларга муносабатини билдирди.

"Бизда молиявий фэйр-плей билан боғлиқ муаммолар борлиги ҳақидаги барча хабарлар - шунчаки миш-мишлардир ва улар Испания томонлардан чиқмоқда. Аммо биз бунга эътибор бермай, хотиржамликни сақлаб турибмиз. Биз барчасини қонун-қоидалар доирасида бажарганмиз.

Биз ўзимиз учун рекорд даражадаги суммага футболчиларни сотдик. Олдингда дўстдек кўриниб, ортингдан ғийбат қиладиган инсонларни ёмон кўраман. Мен юзма-юз айтиладиган тўғри гапларни ёқтираман. Мен ҳеч қачон Тебаснинг ортидан гапирмаганман, у эса шундай қилмоқда. Охирги марта суҳбатимизда мутлақо виждонан гаплашганман. У эса, бутун дунёга - "Ювентус", "Интер", "ПСЖ"га ҳужум қилади. У бизга ҳалақит бермай, Ла лигаси билан шуғуллангани маъқул", - дейди Ҳелайфий.