Superliganing 2-bosqich 1-turidan o‘rin olgan “Navbahor” – “Paxtakor” uchrashuvidan so‘ng mehmonlar bosh murabbiyi Shota Arveladze matbuot anjumanida o‘z fikrlarini bildirib o‘tdi.

“Bunday yomon holatdagi maydon hech qayerda yo‘q. Superligada sharoitlar shunga yarasha bo‘lishi lozim. Bu qadar yomon maydonda o‘ynash uyat. Biz ikki bor hisobda oldinga chiqdik, ammo to‘p o‘tkazib yubordik.

Maydon futbol o‘ynashga xalal bermoqda. Hammaga, bizga, raqibga, futbolchilar uchun yaxshiroq o‘ynashga. Hech kimni ayblashni istamayman. Biz ko‘plab vaziyatlardan foydalana olmadik. Darvozabonlar jamoani qutqarish uchun o‘z joylarida turishadi.

Olti gol va stadiondagi muhit sabab o‘yin ajoyib kechdi. Hamma uchrashuvlar shunday saviyada o‘tishiga umid qilaman.