Суперлиганинг 2-босқич 1-туридан ўрин олган “Навбаҳор” – “Пахтакор” учрашувидан сўнг меҳмонлар бош мураббийи Шота Арвеладзе матбуот анжуманида ўз фикрларини билдириб ўтди.
“Бундай ёмон ҳолатдаги майдон ҳеч қаерда йўқ. Суперлигада шароитлар шунга яраша бўлиши лозим. Бу қадар ёмон майдонда ўйнаш уят. Биз икки бор ҳисобда олдинга чиқдик, аммо тўп ўтказиб юбордик.
Майдон футбол ўйнашга халал бермоқда. Ҳаммага, бизга, рақибга, футболчилар учун яхшироқ ўйнашга. Ҳеч кимни айблашни истамайман. Биз кўплаб вазиятлардан фойдалана олмадик. Дарвозабонлар жамоани қутқариш учун ўз жойларида туришади.
Олти гол ва стадиондаги муҳит сабаб ўйин ажойиб кечди. Ҳамма учрашувлар шундай савияда ўтишига умид қиламан.
