"Metallurg" – "Lokomotiv" uchrashuvidan so‘ng mehmonlar ustozi Andrey Fyodorov quyidagicha fikr bildirdi:

“O‘yin shunday ko‘rinish olishini oldindan taxmin qilgan edik. “Metallurg” uyda bosim uyushtirgan holda o‘ynashini ko‘zda tutib, tayyorgarlik olib borgandik. Yigitlar raqib bosimini yengishdi.

Qulay imkoniyatlarni golga aylantira olganimizda, o‘yin so‘nggida balkim kuchli bosim ostida harakat qilmagan bo‘lardik. Meni hayron qoldirgan jihat zaxirada o‘tirgan futbolchimizning nima sababdan qizil kartochka olgani bo‘ldi.

Vaziyatga yaqin edim va hammasini eshitib turgandim. Futbolchi o‘yindan tashqari holat qayd etilganidan biroz qizishgandi xolos”, - dedi Fyodorov.